Who Is Laxmi Agarwal? Jiski Life ke upar Deepika Padukone ki film aa rahi hai

Agar Aap puchh rahe hai ki who is Laxmi Agarwal? to aapka ye sawal galat hai. Ye puchhiye ki Laxmi Agarwal kya hai? Haal hi me Bollywood sensation Deepika Padukone ki new film Chhapaak  ka trailer release hua hai. Chhapaak Acid attack survivor Laxmi Agarwal ki life pe based biographical movie hai.

Sabse pehle film chhapaak ke baare me thodi important baatein  jaan lete hai.

Who Is Laxmi Agarwal
Chhapaak poster | image source: wikimedia

  • ➤ Film:         Chhapaak
  • ➤ Director:   Meghna Gulzaar
  • ➤ Producer: Deepika Padukone, Fox Star Studio, Govind Singh Sandhu & Meghna Gulzaar
  • ➤ Starring:   Deepika Padukone, Vikrant Masey

Dipeeka Padukene Chhapaak ke saath pehli baar film production me apna luck ajmane jaa rahi hai. Chapaak ka trailer bahot hi achha hai aur logon ko pasand bhi aa raha hai. Lagta hai Chhapaak jaise biographical subject ko pasand karke Dipeeka ne koi galati nahi ki hai aur unki pehli production hit rehne wali hai.  

Meghna Gulzaar jo ki meaningful cinema banane ke liye jaani njati hai, Chhapaak ko direct kiya hai. Meghna Gulzaar ki last film Alia Bhatt ki Raazi thi jo ki super hit rahi thi. 

Ab chalte hai Laxmi Agarwal ki or.

Who is Laxmi Agarwal? 


Laxmi Agarwal humari hi tarah ek aam insaan hai jiske saath ek anhoni durghatana ghati thi. Film chHapaak Laxmi ko national fame de degi, lekin agar film nahi bhi banti to bhi Laxmi ki jeevani un hazaaron bebas aur demotivate hui mahilaaon ke liye motivation ka gehra samandar hai. 


Story of Laxmi Agarwal


Laxmi Delhi ki rehne wali hai. Laxmi Agarwal per jab berehmi se Acid Attack hua tab uski age sirf 15 saal hi thi. 22 April 2005 ke din Delhi ke Khan market me Laxmi ke chehre per Acid fenka gaya aur ek maasoom se chehre ko horror bana diya. 

Who Is Laxmi Agarwal
Image source: Indiatoday

Kya aapko maalum hai acid se hamla kyu kiya gaya tha? 


Who attacked Laxmi Agarwal?


Laxmi ke bhai ka ek dost tha jiska naam guddu hai. Guddu Laxmi se shaadi karna chahta tha lekin Laxmi ne Mana kar diya. Itni si baat se naaraaz hoke Guddu ne Laxmi per acid se hamla kar diya taaki uska sundar chehra bigad jaaye aur laxmi kisi dusre se shaadi na kar sake.

Chaukane waali baat ye hai ki itna kuchh hone ke baad bhi society ke log Laxmi aur uski family ko in sab ke liye doshi maante the. Kisi ko Laxmi ki galati dikhai deti thi to koi unke parents ki parvarish per sawaal uthane lage the. Laxmi ko tarah tarah ke nickname se bulaya jata tha. 

Acid attack ke baad Laxmi ne 100 din tak apna chehra mirror me nahi dekha. Pariwaar ne treatment karvaayi aur uske baad laxmi ka khoya hua self esteem recover hua. Beech me kuchh din aise bhi aaye jab itni chhoti umar me suicide karne ke vichaar aane lage, lekin apne parents ke baare me sochte hue Laxmi ne aisa nahi kiya aur himmat se situation ka saamna kiya. 

Laxmi ke face per ab tak 7 baar surgery ho chuki hai. 

Laxmi ne Gudu ke against court me case daakhil kiya aue chaar saal lambe chale is mukadme ke ant me Guddu ko 10 saal ke liye jail hui. Laxmi ne Delhi ke National Institute of Schooling me Diploma ka course join kiya aur apne chehre se dupatta rakhna humesha ke liye chhod diya. Shuru shuru me bahot dikkate ayi lekin Akhir me course pura bhi kar liya.

Laxmi Kehti bhai " Jab use suicide karne ke khayaal ate the tab wo sochti thi ki duniya bahot violent hai. Jab normal insaan ko bhi yahaan pareshaniya jhelni padi hai tab wo to ek acid attack survivor thi, uske liye zindagi bilkul bhi asaan nahi hone wali hai. lekin maine Duniya ka saamna karne ka option pasand kiya aur duniya ko apni kahaani bataane ke liye Zinda rahi".

Unki ye kahaani 10 January 2020 ko cinema ke parde per dekhne ko milegi jab film Chhapaak release hogi. 


Laxmi Agarwal before & after attack 


Aaj Laxmi Agarwal us mukaam per hai jahan se woh apne aap ko ek sanmaan ke nazariye se dekh sakti hai aur hume prerit bhi karti hai. 

laxmi agarwal before & after
Laxmi Agarwal: before & after acid attack | Image source:  Reddit

Saal 2013 se Laxmi acid attack aandolan ka ek hissa ban gayi hai, Pure deksh bhar me apne organization "Chhanv" ki madad se ye aandolan chala aur na jane kitne acid attack survivors ko ek nayi zindagi mili hai. 


New laws for Acid Attack Survivors

Kya aapko pata hai Bharat Sarkaar ke sanvidhaan me Vikalaang Adhiniyam 2016 ke tahat Acid Attack survivor  ko kuchh vishesh Adhikaar diye gaye hai? ye possible hua Laxmi ke aandolan ki wazaha se. 

Ye thi Laxmi Agarwal ki puri kahaani. jo aaj hajaaron ke liye naye jeevan ka avsar leke aayi hai aur laakhon mahilaon ke liye inspiration ka ek strot ban gayi hai.

pihu laxmi agarwal
Pihu Laxmi agarwal (daughter) | source: Reddit

Laazmi hai ki aisi dilchasp kahaani per film bane aur agar film achhi rahi to hit bhi ho jaayegi. film ke jariye Laxmi apni baat ko Hindustaan ke ghar ghar me pahuncha sakegi. 


Fact about Laxmi Agarwal

  • ➧ Laxmi 2015 se apne parents se alag rehti hai
  • ➧ Laxmi aur Samajik Karyakarta ALok Dixit relation me hai
  • ➧ Laxmi ne life time Shadi na karne ka decision liya hai
  • ➧ Laxmi ne Acid ke sales pe total ban ke liye plea darj kari thi
  • ➧ Michel Obama ki taraf se Laxmi ko International Women of Courage Award mila hai
  • ➧ Saal 2016 me hi Laxmi ne film  Chhapaak sign kar li thi aur iske liye unhe ek achha khasa muavja bhi mila hai.
  • ➧ Bachpan me singer ban na chaahti thi.



Laxmi Agarwal short bio

  • Name:                 Laxmi Agarwal
  • DOB:                  1 June: 2019
  • Birth Place:        New Delhi
  • Nationality:        Indian
  • School:                Sarvodaya Kanya Vidyalaya
  • Degree:               Diploma (Beautician)
  • Hobbies:             Dancing & Singing
  • Marital Status:  Unmarried
  • Children:            Pihu Laxmi Agarwal (gilr)

To doston, aapke sawaal "Who Is Laxmi Agarwal? Jiski Life ke upar Deepika Padukone ki film aa rahi hai" ka uttar mil gaya hoga. ye thi Laxmi Agarwal ki survival story. Dekhte hai Deepika uske character ko sahi tarike se judge kar paati hai ya nahi. 

Aisi hi interesting biographies aur filmy updates ke liye humare saath bane rahiye.


Read more:-

Post A Comment
  • Blogger Comment using Blogger
  • Facebook Comment using Facebook
  • Disqus Comment using Disqus

No comments :


news

[News][list]

Box Office

[Box office][threecolumns]