Dabangg 3 Hit or Flop? | Hindi report

Salman Khan ki Dabangg 3 hit or flop verdict dene ke liye abhi ye sahi samay hai. Kyun ki Dabangg 3 ne apna pehla week complete kar liya hai aur response ko dekh ke nahi lagta ki bhai ki ye film lambi race ka ghoda hai. 

dabangg-3-hit-or-flop
Dabangg 3 hit or flop verdict
Dabangg 3 ko 20th December 3500 screen me ek saath release kiya gaya tha. Film Tamil, Telugu aur Kannada me bhi dub kari gayi hai. Dabangg 3 me Kannada super start Sudeep villain ka role play kar rahe hai aur unhone hi kannada version ko pure Karnataka me distribute kiya hai. 

Dabangg 3 Hit or Flop?


Jaisa hum har ek film ke verdict me kartey hai, Dabangg 3 per bhi wohi formula laagu hota hai, lekin kahani me thoda twist hai kyun ki Dabangg 3 me Salmaan Khan hai. Sabse pehle Dabangg 3 hit ya flop hone ke liye jitne bhi factors hai uspe ek nazar kar lete hai. 

See Aslo: 

Dabangg 3 Budget

  • 125 cr Approx

Dabangg ka budget 40 cr tha, Dabangg 2 ka budget 85 cr tha aur Dabangg 3 ke liye 125 cr ka budget rakha gaya hai. 125 cr me se 115 cr production cost hai aur 15 cr print and publicity ke liye allocate kiya gaya tha. Dabangg 3 ke liye Salman Khan khud producer bane hai iss liye unhone apni fees nahi li hai, iske bawazood bhi film ka budget 125 cr hona "over budget" kaha jayega. 

Dabangg 3 ko 80 to 85 cr me hi ban jaana chaiye tha tabhi iska sahi business preposition calculate ho sakta tha. Halaanki jab film over budget ho hi chuki hai to producers ko profit me se thoda kum munafa milega.

Read More:-

Dabangg 3 box office collection


Dabangg 3 ne opening day per 24.5 cr box office collection kiya tha. Jo ki expectation se approx 4-5 cr kum tha. Film ne dusre din 24.75 cr ka collection kiya, matlab dusre din mamuli sa growth hua jo ki expectation se 3-4 cr kum raha. Teesre din yaane Sunday ko 31.9 yaane tarkreeban 32 cr box office collection kiya, once again ye figure bhi expected collection se 5-6 cr kum hi tha. 
  • ⇛ Dabangg 3 weekend box office collection: 81.15 cr
  • ⇛ Dabangg 3 1st week box office collection: 126.55 cr

Usually Salman Khan ki film 125 cr sirf 5 din me hi kar leti hai, lekin Dabangg 3 ne 126 cr karne me pura ek week laga diya, is se pata chalta hai ki ye film darshakon ki apexao me khari nahi utari hai. collection kum rehne ke pichhe kuchh reasons bhi hai, jaise ki..
  • CAB protest
  • Average film
  • Bad Music
  • Competition from Good Newwz

  1. ➤ CAB protest ke kaaran bahot saare centers me film ke shows cancel hue ya to log dekhne hi nahi gaye.

  2. ➤ Content oriented filmon ke is daur me brainless mass action filmon ka chalna ab mushqil hota jaa raha hai, Multiplex audience aisi filme dekhna pasand nahi kar rahe hai.

  3. ➤ Dabangg ka music all time hit hai, "Munni Badnaam" aur "Tere Mast Mast Do Nain" chart-buster rahe the aur aaj bhi log un songs ko sun na pasand kartey hai, Dabangg 2 ka music bhi thik thak tha, Favicol song chart-buster raha tha, Lekin Dabangg 3 ka sabse bada minus point uska music raha hai, koi bhi gaana asar-daar nahi bana hai.

  4. ➤ Ek week ka khula daur milne ke baad Dabangg 3 ko Akshay Kumar ki Good Newwz se seedha competition mil raha hai. Jiske kaaran Dabangg 3 ke shows kum ho gaye hai aur uski jagah nayi film ne le li hai.

Dabangg 3 overseas box office collection
  • 47 cr (10 days)

Dabangg 3 Pre-release Business

Dabangg 3 Satellite Rights
  • 50 cr  (Star Network)

Dabangg 3 Music Rights
  • 15 cr (T-Seires)

Dabangg 3 Digital Streaming Rights
  • 40 cr (with Prime)

Total Pre-release recovery: 105 cr

Matlab Bhai ki iss film ne release se pehle hi 105 cr recover kar liye hai, isme Tamil, Telugu aur Kannada ke rights add kare to film release se phele hi apni puri laagat vasool kar chuki hai aur producer ko Dabangg 3 se ek rupaye ka bhi nuksaan nahi uthana hai. Theatrical run se jitna bhi collection mile wo sab direct profit maana jaayega.  

Dabangg 3 Hit Or Fop? Final Verdict

Key Points:-
  • ➤ Budget:                           125 cr 
  • ➤ Box Office collection:   133 cr approx (28-12-19 tak)
  • ➤ Pre-release business:   115 cr Approx (All Language)
  • Early Verdict: HIT
  • ➤ Final Verdict:  Update soon

Matlab ye hua ki Movie ne ab tak total 248 cr collect kiye hai aur budget 125 cr hai to 123 cr profit producers ne account kar liye hai.

Agar theatrical ya box office run ki baat kare to Dabangg 3 ko Hit hone ke liye 160-165 cr ka business karna hoga aur agar Film 140 to 145 cr ka business karti hai to average kahi jayegi. Overall collections dekhe to ye film already achha khasa profit kama chuki hai, is hisaab se Dabangg 3 Hit hai. 


To Doston, Ye tha humara Dabangg 3 hit or flop verdict. Abhi pure ek week tak ye film achhe khaase shows ke saath chalegi aur thoda aur collections kar sakegi. final figures bahot jald update kar diye jaayenge. so stay tuned with us. 
Post A Comment
  • Blogger Comment using Blogger
  • Facebook Comment using Facebook
  • Disqus Comment using Disqus

कोई टिप्पणी नहीं :


news

[News][list]

Box Office

[Box office][threecolumns]