Bollywood Box Office Collection 2019 | Hindi Reports


Agar Aapko filmon ke box office collection ke aankde jaan na pasand hai to ye article aap ke liye hai. iss post me hum baat karenge Bollywood box office collection 2019 ki report ke bare mai. January 2019 se ab tak release hui har film ka byora to nahi de sakte, aisa karne se ye post had se jyada lamba ho jayega or boring bhi ho sakta hai, is liye hum charcha karenge har us film ke bare me jo us month me box office collection ke maamle me hit rahi ho.

2017 Bollywood box office collection ke maamle me bahot hi negative saal raha tha. aisa lag raha tha Bollywood pe mandi ke baadal umad aye hai. lekin 2018 aate hi situations me sudhaar aya aur 2017 ke compare me 2018 ka Bollywood box office collection fir se apne sahi wale track per aa gaya.

bollywood box office collection 2019

Chaliye ab back to the Topic aate hai. iss Post ka topic hai Bollywood box office collection 2019, yaane Bollywood ne 2019 me ab tak release hui filmon me se kaunsi filmon se kamai kari hai.
  

Bollywood Box Office Collection 2019


Sabse pehle iss saal ke abtak ke box office collection figures apke saamne rakh dete hai taaki aapko ek rough idea mil jave. 


  • Year: 2019*
  • ⇛Total Net Collection:                 3842 cr
  • ⇛Total Gross Collection:             5010 cr
  • ⇛Total overseas collection:        1091 cr
  • ⇛Total Worldwide Collection:     6269 cr Approx**

  • ⇨Most profitable film of the year:                        Uri-The Surgical Strike
  • ⇨Most Expensive film of the year:                       Saaho
  • ⇨Most profitable low budget film of the year:   The Tashkent Files & Badla
( *last month not included, **Approximate figures )


2019 abtak Bollywood ke liye box office collection ke maamle me Achha bhi raha hai aur bura bhi raha hai, Kuchh badi filmen jaise ki Bharat, Manikarnika, Student of the year 2, Kalank vagerah ne nirashajanak performance diya hai wahi kuchh unexpected hit filmen bhi mili hai jaise ki Uri: The Surgical Strike, The Tashkent File, Luka Chuppi, aur Kabir Singh.


Bankable Stars of the year 2019

Stars ki baat kare to 2019 ka saal Ayushmann + Hrithik ko dedicated hai. Hrithik Roshan ne pehle Super 30 jaisi Content oriented film di aur uske baad Tiger ke Saath milke War jaisi Mass masala entertainer de daali, Super 30 ne 146 cr ka business kiya aur Hit rahi aur War ne jald hi 318 cr se jyada ka business karke Super hit Rahi.

Ayushmann Khuranna ke bare me jitna likeh utna kum hai, aisa lagta hai Bollywood ko Lambe samay ke baad goldmine mil gaya hai jiski sabko talaash thi. Ayushmann ki khas baat ye hai ki unki filmen Critically acclaimed hoti hai aur box office per bhi hit rehti hai. Aisa Combo Aamir Khan ke baad pehli baar dekhne ko mil raha hai.

Ayushmann ne iss saal 3 Hit filmen deke Hat Trick mari hai. Sabse pehle Article 15, suke baad Dream Girl aur ab Bala, Teeno filon me respectively 63 cr, 139 cr, aur 112 cr (abtak) ka business kiya hai.

Well, Ayushmann aur Hrithik ki league me ek aur star ka naam lena Zarroori ban gaya hai aur wo hai Akshay Kumar. iss saal release hui Akshay Kumar ki har ek film ne box office per Achchha performance kiya hai, uski last me release hui Housefull 4 ne 200 cr se jyada ka business kiya hai lekin critics ko ye film bilkul bhi pasand nahi ayi thi.


Latest Bollywood Box office Collection | Month wise


Itni Charcha ke bad chaliye dekhte hai month wise Bollywood box office collection report. isme hum sirf aur sirf safal filmon ke baare me hi jyada charcha karenge. To ye rahi monthly Bollywood box office report.

Bollywood box office report - 2019


January

1. Uri: The Surgical Strike
2. Manikarnika: The Queen of Jhansi

  • Film:                                Uri - The Surgical Strike
  • Star cast:                        Vicky Kaushal, Yami Gautam, Paresh Rawal, Mohit Raina, Kirti Kulhari
  • Director:                          Aditya Dhar
  • Producer:                        Ronnie Screwvala.
  • Release Date:                11 January: 2019
  • Budget:                           25 cr
  • Box Office Collection:   244 cr
  • Verdict:                           All Time Blockbuster | One of the Most Profitable film of Bollywood

Bollywood Box Office Collection 2019
Uri: The Surgical Strike | Image source: YouTube

11 January 2019 ko Vicky Kaushal ki Uri: The Surgical Strike Desh bhar ke cinema gharon me release hui. Kisi ko Andaza bhi na tha ki ye film box office per kya keher barsane wali hai. 25 cr ke moderate budget me bani is Film ne domestic box office per total 244 cr ka business kar liya aur world wide 342 cr se bhi jayad ka business kar liya. Uri: The Surgical Strike ab Bollywood's most profitable film yane sabse jyada munafa kamane wali fimon ki list me shaamil ho chuki hai.


  • Film:                               Manikarnika- The Queen of Jhansi
  • Star cast:                       Kangana Ranaut, Atul Kulkarni, Jisshu Sengupta, Ankita Lokhande
  • Director:                         Kangana Ranaut, Krish
  • Producer:                       Kamal Jain, Nishant Pitti
  • Release Date:                25 January: 2019
  • Budget:                          125 cr
  • Box Office Collection:  95 cr
  • Verdict:                          Losing

Bollywood Box Office Collection 2019
Manikarnika: The Queen of Jhansi | Image source: YouTube

25th January 2019 ko Bebak Kangana Ranaut Starer Manikarnika: The Queen of Jhansi Release hui. jaisa ki rade panditon ko apexa thi, Film ko 26th January yane Ganatanra Divas ki Chutti ka laabh mila aur film ne release ke 3 din me hi 42 cr se jyaada ka business kar liya. lekin Sunday ke baad Manikarnika box office per dheemi pad gayi aur total box office collection 95 cr tak limited reh gaya. Film ka total Budget 100 cr se jyada hote hue box office revenue ke maamle me ye film flop rahi hai lekin TV rights, Satellite rights aur music + Streaming rights se Manikarnika plus me shumaar ho chuki hai.

Notable event: Thackeray - Bala Saheb Thackeray ki Jeevani per adhaarit ye film Manikarnika ke ssath hi releae hui thi. Marathi aur Hindi language me bani is film ne box office per average business kiya tha.


February

1. Gully Boy
2. Total Dhamaal

  • Film:                                Gully Boy
  • Star cast:                        Ranveer Singh, Alia bhatt, Vijay Raaz, Siddhant Chaturvedi
  • Director:                          Zoya Akhtar
  • Producer:                        Farhan Akhtar, Ritesh Sidhwani, Zoya Akhtar
  • Release Date:                14 February: 2019
  • Budget:                           40 cr
  • Box Office Collection:  139 cr
  • Verdict:                          Super Hit

Bollywood Box Office Collection 2019
Gully Boy | Image source: YouTube

Film Gully Boy Multiplex audience ke liye hi banayi gayi thi. Mumbai ki galiyon ke rapper ki kahaani batati ye film box office per bhi apna jaadoo chala gayi. Gully Boy ke sabhi songs hit rahe hai lekin un sabhi gaano me se "Apna Time Aayega" Chart buster raha, pure saal ye gana desh bhar me dhamaal machata raha. "Apna Time Aayega" kitna bada hit tha iska andaaza isi baat se laga lijiye ki gaane ki tag line ko logon ne apne T-shirt pe chapva liye aur aise T-shirt bhi dhoom bike. Gully Boy ne domestic box office per 139 cr se jyada ka business kiya aur super hit rahi.


  • Film:                                  Total Dhamaal
  • Star cast:                   Anil Kapoor, Ajay Devgn, Madhuri Dixit, Arshad Warsi, Riteish Deshmukh, Johny Lever
  • Director:                           Indra Kumar
  • Producer:                         Indra Kumar, Ajay Devgn, Ashok Thakeria, Anand Pandit, Sri Adhikari Bros.
  • Release Date:                  22 February: 2019
  • Budget:                            90 cr
  • Box Office Collection:   154 cr
  • Verdict:                            Hit

Bollywood Box Office Collection 2019
Total Dhamaal | Image source: YouTube

Total Dhamaal, Dhamaal series ki 3rd film hai. Pichhle dono part hit rahe the aur usi track ko follow-up dete hue teesra bhaag bhi hit raha. Badi star cast aur comedy ke dose ne darshakon ko theaters ki taraf aakarshit kiya. total 90 cr kei laagat se bani Total Dhamaal domestic box office per 154 cr ka business kar gayi.

February month me in do filmon ke alava aur koi badi film ya bade star ki film release nahi hui thi. Sushant sigh Rajpoot ki Sonchiriya kab theaters me aayi aur kab chali gayi kisi ko pata bhi nahi chala. haalaanki ye film bahot hi achchhi thi.



March

1. Luka Chuppi
2. Badla
3. Kesari

March Month me Bollywood ko Hat-rick hit filme mili. Luka chuppi aur surprise hit Badla ke baad last me Hit Machine Akshay Kumar ki Kesari ayi aur box office per Kesariya lehra diya.

  • Film:                               Luka Chuppi
  • Star cast:                       Kartik Aryan, Kriti Sanon, Aparshakti Khurana, Pankaj Tripathi
  • Director:                         Laxman Utekar
  • Producer:                       Dinesh Vijan
  • Release Date:               1 March: 2019
  • Budget:                          25 cr ya 34 cr (exact data not available)
  • Box Office Collection:  94 cr
  • Verdict:                          Super Hit

Bollywood Box Office Collection 2019
A songs poster from Luka Chuppi | Image source YouTube

SKTKS ke baad Kartik Aryan bankable star ki league me aa gaye hai. Luka Chuppi ka budget 25 cr ho ya 24 cr, lekin box office collection 94 cr se jyada ka hai aur isi liye ye film super hit hai. Kartik aur Kriti ki fresh pair aur halki fulki comedy ke mixture se bani ye film youth ko bahot pasand ayi. Mass aur multiplex dono jagah Luka Chuppi ne achchha perform kiya.


  • Film:                               Badla
  • Star cast:                       Amitabh Bachchan, Tapsee Pannu, Amrita Singh, Manav Kaul
  • Director:                         Sujoy Ghosh
  • Producer:                       Red Chili Entertainment
  • Release Date:                8 March: 2019
  • Budget:                          10 cr
  • Box Office Collection:  88 cr
  • Verdict:                           Blockbuster | One of the most profitable film of Bollywood

Bollywood Box Office Collection 2019
Badla  reviews promotional poster from  YouTube

Badla Spanish Thriller "Invisible Guest" ki official remake hai. Amitabh Bachchhan aur Tapsee Pannu ki jodi film pink me dekhne ko mili thi jo ki hit rahi thi. Badla critics aur audience dono ko pasand ayi aur box office per lambi race ka ghoda saabit hui. sirf 10 cr jitne kum budget ki laagat se bani ye film 8 guna jyada profit kama gayi. agar abtak aapne Badla nahi dekhi hai to jab bhi mauka mile ise dekh lijiye.


  • Film:                                 Kesari
  • Star cast:                        Akshay Kumar, Parineeti Chopra & Co.
  • Director:                          Anurag Singh
  • Producer:                      Karan Johar, Aruna Bhatia, Hiroo Yash Johar, Apoorva Mehta, Sunir Khetarpal
  • Release Date:                 21 march: 2019
  • Budget:                           80 cr
  • Box Office Collection:  153 cr
  • Verdict:                           Hit

Bollywood Box Office Collection 2019
Kesari trailer poster from YouTube

Bollywood ke kuchh mantras hote hai, jaise ki ek Zamana tha jab Amitabh matlab film hit ka mantra hua karta tha, fir ek daur aya jab SRK aur Kajol ki jodi yane film hit ka mantra kam kar raha hota tha. ek aur daur chala jab Salman yaane hit. aur ab naya daur shuru hua hai jiska mantra hai Desh Bhakti + Akshay Kumar = HIT. jaisa ki humne anuman kiya tha, Kesari Desh Bhakti se bharpur hone ke saath saath hume har ek frame me entertain karti hai aur isi kaaran ye film hit rahi. Kesari ka ek song hai "TERI MITTI" jo aaj kal all time favourite ban gaya hai. Kesari ne domestic box office per 153 cr aur world wide 207 cr ka business kiya hai.

Notable event: Captain Marvel, Hollywood ki ye film Avenger Infinity War ke credit scene ke karan pehle se hi charcha me thi. Badla ke saath hi release hui Captain Marvel ne Indian box office per 84 cr ka busines kiya tha.


April

1. Romeo Akbar Walter
2. The Tashkent Files

April Month Bollywood ke liye kisi bhi bade surprise se vanchit raha tha, lekin isi mahine me Hollywood ki taraf se ek Zhatka bhi mila. 

Bollywood Box Office Collection 2019
Hollywood Biggie: Avengers Endgame | Source: IMDB

26 April ko Hollywood ki Avengers Endgame release hui aur is film ne 365 cr ka business kar liya. itna business karna Bollywood ke mainstream hero ki film ke liye bhi bahot mushkil hota hai. Chaliye Bollywood pe laut jate hai.


  • Film:                                Romeo Akbar Walter
  • Star cast:                        John Abraham, Mouni Roy, Jackie Shroff, Sikandar Kher
  • Director:                          Robbie Grewal
  • Producer:                        Dheeraj Wadhwan, Ajay Kapoor, Gary Grewal, Ajit Andhare, Vanessa Walia
  • Release Date:                5 April: 2019
  • Budget:                           35 cr
  • Box Office Collection:  40 cr
  • Verdict:                          Average | Recovered

Bollywood Box Office Collection 2019
RAW review poster from BMS

Akshay Kumar ki Tarah John Abraham bhi Desh Bhakti wale content per jyada focus kar rahe hai. Romeo Akbar Walter John ki Pichhli film Parmanu ki tarah hume entertain nahi kar payi. fim ka narrative thoda slow hone ki vazah se audience film se connect nahi kar payi jiska result sidhe hi film ke box office collection per dekhne ko mila. Director apne potential ko chuk gaye aur Romeo Akbar Walter ne ticket window pe sirf 40 cr ka collection kar ke dum tod diya.


  • Film:                                The Tashkent Files
  • Director:                          Vivek Agnihotri
  • Star cast:                      Mithun Chakraborty, Naseeruddin Shah, Pankaj Tripathi, Shweta Prasad Basu, Madira Bedi, Pallavi Joshi
  • Producer:                       Pranay Choksi, Vivek Agnihori, Sharad Patel, Anuya Chauhan Kudecha
  • Release Date:               12 April: 2019
  • Budget:                          4 cr
  • Box Office Collection: 16.75 cr
  • Verdict:                          Super Hit

Bollywood Box Office Collection 2019
The Tashkent Files | Source: YouTube

Here comes a Surprise..! Film The Tashkant Files ko kisi bhi main stream media ne positive reviews nahi diye the aur na hi bade kahe jane wale critics ne iska review kiya tha. iske bawazood bhi ye film darshakon ko pasand ayi aur dhire dhire iske screen bhi badhte gaye. sirf 4 cr ke budget se bani iss film ne box office per almost 17 cr tak business kar liya. Hindi language me aaj tak jitni bhi conspiracy thriller filmen bani hai usme The Tashkent Files sabse best hai. agar apne abhi tak ye film nahi dekhi hai to zaroor dekhiye. film Shatriji ki death ke aaspas bhune gaye jhooth aur sach ke bare me hai.

Notable event: Kalank, Varun Dhavan, Sanjay Dutt, Madhuri Dixit aur Alia Bhatt Starer Karan Johar ki ye film box office per Kalank Saabit hui thi.


May

1. De De Pyaar De

  • Film:                                De De Pyaar De
  • Star Cast:                       Ajay Devgn, Rakul Preet Singh, Tabbu
  • Director:                          Akiv Ali
  • Producer:                       T- Series & Luv Ranjan
  • Release Date:                17 May: 2019
  • Budget:                           78 cr
  • Box Office Collection:  102 cr
  • Verdict:                           Hit | Plus

May month me total 6 Hindi filmen release hui thi jisme se sabse achha business De De Pyaar De ne hi kiya. 102 cr domestic box office collection karke De De Pyaar De achhi khaasi profitable rahi. After marriage love affair jaisa topic aur Ajay devgn ki star power ke karan film ko darshak dhoondne me jara bhi pareshaani nahi hui.

Bollywood Box Office Collection 2019
De De Pyaar De | Image source: YouTube

Karan Johar aur Tiger Shroff ki much awaited "Student of the Year" 17 May ko release hui thi. Achhi opening lene ke baad film itni kharab rahi ki apni laagat bhi vasool nahi kar payi. Karan Johar ne ek hi saal mai 2 badi flop filen deke Apna Achha Khasa Loss Kara hai.

Notable event: Aladdin, Hollywood Super Star Will Smith ki Aladdin jaise Bollywood ki hi film thi, kyun ki sime Gaane the. Aladdin 24 may ko India me release hui thi aur 50 cr box office collection karke hit rahi.


June

1. Bharat
2. Kabir Singh
3. Article 15


June Month me total 5 Hindi Bollywood Films release hui thi. In Paanchon filmon me se sabse jyada hype banane wali film Salman Khan ki Bharat ko kaha ja sakta hai.

  • Film:                               Bharat
  • Star cast:                       Salman Khan, Katrina Kaif, Sunil Grover, Jackie Shroff, Disha Patani
  • Director:                         Ali Abbas Zafar
  • Producer:               Atul Agnihotri, Alvira Khan Agnihotri, Bhushan Kumar, Salman Khan, Nikhil Namit, Krishan Kumar
  • Release Date:               5 June: 2019
  • Budget:                         100 cr
  • Box office collection:  209 cr
  • Verdict:                         Average | Plus

Bollywood Box Office Collection 2019
Bharat Trailer poster from YouTube

Humare Most Wanted Bhai Salman Khan ki film ho aur opening achchhi na mile aisa kabhi nahi ho sakta. film 100 cr ke budget pe bani thi isme Salman Khan ki heavy fees shaamil nahi hai. Salman Khan per film 50 -60 cr + profit me hissa charge karte hai. is hissab se dekhe to film ka budget 150 cr plus hona chahiye lekin salman khan khud bhi iske production ka hissa the to unki fees isme nahi gini gayi. Domestic box office per Bharat 209 cr collect kar payi jo ki Salman jaise no. #1 star ki film ke liye achha business nahi kaha jaa sakta. haalanki producers ke liye Bharat profitable rahi hai.


  • Film:                              Kabir Singh
  • Star cast:                      Shahid Kapoor, Kiara Advani
  • Director:                        Sandeep Vanga
  • Producer:                      Bhushan Kumar, Murad Khetani, Ashwin Varde, Krishan Kumar
  • Release Date:               21 June: 2019
  • Budget:                          60 cr
  • Box office collection:  278 cr
  • Verdict:                          Blockbuster

Bollywood Box Office Collection 2019
Kabir Singh, official remake of Arjun Reddy | Image source: YouTube

Kabir Singh Telugu cult hit Arjun Reddy ka official remake hai, dono ke director Sandeep Vanga hi hai aur dono hi filme blockbuster hai. Lambe samay se shahid Kapoor ne koi bhi solo hit nahi diya tha. Kabir Singh release hote hi Shahid Kapoor ne ek much needed hit film de di aur apna khatm hota career bhi bacha liya. sirf 60 cr ke budget me bani Kabir Singh Domestic box office per 278 cr kama gayi. film ka worldwide box office collection 380 cr jitna hai. is heesab se Kabir Singh Saal 2019 aur Shahid ki sabse badi blockbuster hit film hai.


  • Film:                               Article 15
  • Star cast:                       Ayushmann Khuranna, Nassar, Manoj Pahwa, Kumud Mishra
  • Director:                         Anubhav Sinha
  • Producer:                       Anubhav Sinha & Zee Studios
  • Release Date:                28 June: 2019
  • Budget:                          29 cr
  • Box Office Collection:  63 cr
  • Verdict:                          Hit

Bollywood Box Office Collection 2019
Article 15 Teaser poster | Source: YouTube

Jaisa ki Hum pehle charcha kar chuke hai, Ayushmann Khuranna Bollywood ke goldmine ban chuke hai. Akshay Kumar ke baad Hit Machine ka kheetaab agar kisi ko dena chahiye to wo hai Ayushmann Khuranna. Anubhav Sinha ne Mulk ke baad ek sachchhi ghatna per Adharit Dark thriller film "Article 15" ke nam se di. Vivadaspad ghatnaoke bavazood bhi Article 15 box office per apna kamal dikha gayi. 29 cr jitne mid budget me banayi gayi Article 15 apni laagat se bhi jayada, 63 cr ka collection kar gayi aur Ayushmann ke Khate me ek aur hit film darj ho gayi.



July

1. Super 30
2. Judgementall Hai Kya

July month ki khaas baat ye rahi ki is mahine me Hollywood ka palada bahot Bhaari raha. Jiski charch hum aage karenge.


  • Film:                               Super 30
  • Star cast:                       Hrithik Roshan, Mrunal Thakur, Pankaj Tripathi, Virendra Saxena
  • Director:                         Vikas Bahl
  • Producer:                    Phantom films, Nadiadwala Grandson Entertainment, Reliance Entertainment
  • Release Date:               12 July: 2019
  • Budget:                          60 cr
  • Box office collection:  146 cr
  • Verdict:                          Hit

Bollywood Box Office Collection 2019
Hrithik in Super 30 | Image source: YouTube

So, Here is Hrithik Roshan strike back after long time. kaafi Lambe arse se parde se door rahe Hrithik Roshan ne Super 30 se apni wapasi ki. ye film Anand Kumar ki biopic hai. Bollywood me kuchh saalon se biopic banane ka chalan chal raha hai. Super 30 ko kuchh states me tax free kar diya gaya tha iska seedha fayada producer ko hua. 60 cr me bani Super 30 domestically 146 cr aur internationally 209 cr collect kar gayi. Film ko Hit karar de diya gaya. Super 30 Hrithik ki 2019 me pehli hit entry thi.


  • Film:                              Judgementall Hai Kya
  • Star Cast:                      Kangana Ranaut, Rajkumar Yadav
  • Director:                        Prakash Kovelamudi
  • Producer:                      Ekta & Shobha Kapoor, Shailesh r Singh
  • Release Date:               26 July: 2019
  • Budget:                          29 cr
  • Box Office Collection: 38 cr
  • Verdict:                         Average | Plus

Bollywood Box Office Collection 2019
Image source: YouTube

Judgementall Hai Kya Fully multiplex audiences ke type ki film thi iss vazah se mass circuit me bilkul nahi chali. film ko critically mixed to positive response mila tha lekin box office per koi bada prabhaav nahi dikha saki. Kangana ki star power ke kaaran film thik chak chali aur 38 cr ka domestic box office collection kiya.

Ab Baat Karte hai us Khas incidences ki jo ki July me note kiye gaye. July 2019 me Indian box office per Bollywood nahi balki Hollywood filmon ka tevar chala. Spider-Man Far from Home aur The Lion King jaisi 2 badi filme isi month me release hui aur dono hi filmon ne respectively 85 cr aur 150 cr se jyada ka business kiya tha. kisi bhi Hindi Film ne July month me 150 cr se jyada buisness nahi kiya tha.



August

1. Mission Mangal
2. Batla House
3. Saaho


  • Film:                                 Mission Mangal
  • Star Cast:                   Akshay Kumar, Vidya Balan, Sonakshi Sinha, Tapsee Pannu, Nithya Menon, Kirti Kulhari, Sharman Joshi, Vikram Gokhale
  • Director:                          Jagan Shakti
  • Producer:                        Akshay Kumar, Aruna Bhatia, Anil Naidu, Fox Star Studio
  • Release Date:                15 August:02019
  • Budget:                           32 cr
  • Box Office Collection:  200 cr
  • Verdict:                          Super Hit

Bollywood Box Office Collection 2019
Image source: YouTube

Akshay Kumar + Desh Bhakti + Mahila Sashaktikaran = Hit. Bollywood ne fir ek baar wohi hit formula repeat kiya aur Akshay Kumar ne apni 1st 200 karodi film bana di. film ke reviews na to itne achche aye the aur na hi itne kharab lekin box office per Mission Managal ne apna mision bhali bhanti pura kar liya.


  • Film:                                Batla House
  • Star cast:                       John Abraham, Mrunal Thakur
  • Director:                         Nikhil Advani
  • Producer:                       T-Series, Monisha Advani, Madhu Bhojwani, John Abraham,                                                                 Sandeep Leyzell
  • Release Date:                15 August: 2019
  • Budget:                           47 cr
  • Box Office Collection:   97 cr
  • Verdict:                           Hit

Bollywood Box Office Collection 2019
Batla House | Image source: YouTube

John Abraham Akshay ke hi nakshe kadam per chal rahe hai. Desh Bhakti se related filmon me John kuchh jyada hi dilchaspi le rahe hai. Batla House usi name ke ek encounter incidence per Aadharit film hai. Mission Mangal ke saath hi Batla House Release hui thi aur competition ke bawazood bhi film ne 97 cr box office collection kiya. waise reviews favorable nahi aye the.


Film:                                 Saaho
Star cast:                     Prabhas, Shraddha Kapoor, Jacke Shroff, chanki Pandey, Neil Nitin Mukesh,  Murali Sharma, Mandira Bedi
Director:                          Sujeeth
Producer:                        Vamsi Krishna Reddy, Pramod Uppalapatti, Bhushan Kumar
Release Date:                30 August: 2019
Budget:                           350 cr approx
Box Office Collection:  149 cr
Verdict:                           Hit

Bollywood Box Office Collection 2019
Prabhas in Saaho | Image source: YouTube

Saal 2019 me sabse jyada utsukta jaga ne wali film Salman Khan ki Bharat ke baad Prabhas ki Saaho thi, Kyun ki Baahubali ki Prachand Safalta ke baad Prabhas pehli baar cinema ke parde per dikhne wale the. Saaho ka trailer bhi bahot hi badhiya tha. Multiple language me release hone ke bawazood bhi Sahao ek aisi film hai jo Flop kahi ja sakti hai. sirf Hindi language ko chhod ke baki sabhi language me Saaho flop rahi hai. Bhushan Kumar ne Saaho ke Hindi rights 80 cr me kharide the aur film ne Hindi belt se 149 cr kamaye. is liye Saaho ka Bollywood wala version Hit Kaha ja sakta hai.



September

1. Chhichhore
2. Dream Girl

  • Film:                                 Chhichhore
  • Star cast:                Sushant Singh Rajput, Shraddha Kapoor, Varun Sharma, Navin Polishetty, Pratiek Babbar
  • Director:                          Nitesh Tiwari
  • Producer:                        Nitesh Tiwari, Piyush Gupta, Nikhil Mehrotra
  • Release Date:                 6 September: 2019
  • Budget:                           50 cr
  • Box Office Collection:  150 cr
  • Verdict:                           Super Hit

Bollywood Box Office Collection 2019
"Chhichhore" Gang from trailer poster |  source: YouTube

Dangal ki apaar safalta ke baad Nitesh Tiwary 3 idiots ki feeling wali Chhichhore leke aye aur fir se chha gaye. Sushant Singh Rajput ne lambe arse ke baad fir se safalta ka swaad chakha. College life, Sports, Comedy aur examination ki galat methods jaise muddon ko milake Nitesh Tiwari ne Chhichhore naam ka cocktail banaya jo audience ko pasand aya. 50 cr me bani film Apni Laagat se teen guna jyada yaane 150 cr collection kar hayi.


  • Film:                                Dream Girl
  • Star cast:                        Ayushmann Khuranna, Nushrat Bharucha, Vijay Raaz, Annu Kapoor
  • Director:                          Raaj Shandilya
  • Producer:                        Ekta & Shobha Kapoor
  • Release Date:                13 September: 2019
  • Budget:                           30 cr
  • Box Office Collection:  139 cr
  • Verdict:                           Super Hit

Bollywood Box Office Collection 2019
Dream Girl: Finest comedy film of the year | image source: BMS

Brainless comedy banana aur class comedy banana in dono me Total Dhamaal aur Munna Bhai MBBS jitna fark hai. Dream Girl class comedy hai jiska hero Ayushmann Khuranna na hote hue filmke punch lines aur director hai. Kapil Sharma ke Shows ki Script likhne waale Raaj Shaandilya ne Dream Girl banayi hai aur kya Zakkas film hai. ye flick apko kabhi bhi borr nahi karegi aur isi karan iski box office collection 139 cr hai.



October

1. War
2. Housefull 4


Indian box office ke liye October month kuchh khas mayne rakhta hai. har saal Diwali isi month me aati hai. Diwali sabse bada tyohar hai, khas karke north belt me Diwali ki chuttiya bahot lambi chalti hai is liye log family ke saath movies dekhna pasand kartey hai. Aur agar in chuttiyon me kisi bade star ki film release hoti hai to humesha achchha business karti hai. fir chahe wo film kitni bhi buri kyu na ho. Brainless comedy Housefull 4 ko isi logic ka benefit mila tha.


  • Film:                                War
  • Star cast:                        Hrithik Roashan, Tiger Shroff, Ashutosh Rana, Vaani Kapoor
  • Directer:                          Siddharth Anand
  • Producer:                        Yash Raj Films
  • Release Date:                 2 October: 2019
  • Budget:                           200 cr
  • Box Office Collection:  318 cr
  • Verdict:                          Super Hit

Bollywood Box Office Collection 2019
Tiger Shroff & Hithik Roshan from WAR | Image Source: Indiatoday

Hrithik Roshan aur Tiger Shroff ki jodi hi kaafi thi cinema halls ko houseful karne ke liye. Bollywood ne bade lambe samay ke antaral ke baad ek mass masala high octane action film dekhi. Untapped foreign locations, super hit songs, Hrithik ke out of the world dance steps aur Tiger ki martial arts skills jaise plus points ne film ke jitne bhi minus points the un sab ko nazar andaaz kar diya. 2nd of October, Gandhi Jayanti ke din release hui War ko 5 day extended weekend ka laabh mila aur pehle hi din 53.35 cr ka Historical opening mila. War ne sirf 6 dinon me hi apni laagat vasool kar li aur 7 ve din se producer ke account me profit jod na shuru kar diya tha. 150 cr ka budget aur 50 cr additional cost ko jod ke War ka total cost of making 200 cr ka ho jata hai, jiske against War ne abtak 380 domestic box office collection kar liya hai. War ka worldwide box office collection 475 cr hai. Satellite, Streaming and TV rights se ane wali income extra profit hoga.


  • Film:                               Housefull 4
  • Star cast:                     Akshay Kumar, Riteish Deshmukh, Bobby Deol, Kriti Sanon, Pooja Hegde, Kriti Kharbanda
  • Director:                         Farhad Samji
  • Producer:                       Sajid Nadiadwala
  • Release Date:                25 October: 2019
  • Budget:                           75 cr
  • Box Office Collection:  206 cr
  • Verdict:                          Super Hit

Bollywood Box Office Collection 2019
H4 | source: YouTube

Akshay Kumar ke baare me agar one liner bolna ho to keh saktey hai " Akshay Kumaar yaane safe project". Housefull 4 Housefull series ka 4th installment hai. pichli sabhi film box office per hit ya to super hit rahi thi. Housefull 4 critically fully negative marks liye thi, lekin 25 th October ko release hui iss film ko Diwali ke lambe chalne wale Holidays ka bharpoor laabh mila aur saath me kisi bhi dusri film se koi competition bhi nahi tha. 75 cr ki laagat me bani Housefull 4 domestically 206 cr rupaye kama gayi.

Notable event: Syeraa Narasimha Reddy
Bollywood Box Office Collection 2019
Sye Raa Narasimha Reddy Poster source Wikimedia

Telugu mega star Chiranjeevi starer ye film War ke saath hi pure desh bhar me release hui thi, kum publicity ke kaaran Syeraa Hindi belt me jyada attention grab nahi kar payi. Telugu speaking states me is film ne pehle din box office per Tsunami laa diya tha. overall flop rahi syeraa Narasimha Reddy dekhne layak film hai.


November

1. Bala
2. Marjaavaan


  • Film:                                 Bala
  • Star cast:                         Ayushmann Khurrana, Bhumi Pednekar, Yami Gautam
  • Director:                          Amar Kaushik
  • Producer:                        Dinesh Vijan
  • Release Date:                 7 November: 2019
  • Budget:                           25 cr
  • Box Office Collection:  114 cr
  • Verdict:                           Super Hit

Bollywood Box Office Collection 2019
Ayushmann from Bala | Image source: BMS

Kya aap Amar Kaushik ko jaante ho? Achchha nahi jaante...! Kya aapne "Stree" film dekhi hai, ji haan wohi Shraddha Kapoor wali..! Stree jaisi mazedaar film banane wale Amar Kaushik hi the. ye banda extremely talented hai. Golden touch owner Aushmann Khurrana ke sath milke inhone Bala banayi aur super hit ho gayi. sirf aur sirf 25 cr jitne short budget me Bala Bani hai aur is offbeat film ne jab ye likha jaa raha hai tab tak box office se 114 cr rupaye bator liye hai.


  • Film:                                Marjaavaan
  • Star cast:                        Siddharth Malhotra, Rakul Preet Singh, Tara Sutaria, Riteish Deshmukh
  • Director:                          Milap Zaveri
  • Producer:                       T-Series
  • Release Date:                15 November: 2019
  • Budget:                           50 cr
  • Box Office Collection:  48 cr
  • Verdict:                          Break-even

Bollywood Box Office Collection 2019
Image source: YouTube

Siddharth Malhotra aur Riteish Deshmukh ki jodi 2013 me film Ek Villain me Dekhne ko mili thi. Thriller concept aur Hit music ki wajah se Ek Villain Super hit rahi thi. Milap Zaveri jo ki double meaning wali comedy ke liye mash-hoor hua karte the, unhone apni last film John ke saath kari thi jiska naam "Satyamev Jayate" tha. film hit rahi thi. Ab fir se ek baar Milap Sidhdharth aur Riteish ki jodi ko saath me leke aye hai film Marjaavaan me. Marjaavaan critics ko bilkul bhi pasand nahi ayi, saath me multiplex audience ko bhi pasand nahi ayi. fir bhi film 50 cr tak ka business kar payegi kyu ki Mass centers me film thik thak chali hai. Marjaavan ko hit to nahi keh sakte lekin apne makers ke liye bahot hi thin margin wala profit la payegi. Theatrical run se 50 cr aur baki ke paise TV, Satellite and streaming rights ki bikri se ayega.

Notable event: Commando 3, Jab ye likha jaa raha hai tab Vidyut Jammwal ki Commando 3 theaters me lag chuki hai, Film ne Thik Thak opening liya hai. 30 cr ke budget ke saamne Film ne 5 din me domestically approx 25 cr ka collection kar liya hai. agar film 40 cr collection kar leti hai to hit ho jayegi, Commando series ka sabse strong point uski TV ki audience hai. is series ko jab bhi TV per dikhaya jata hai TRP bahot high milta hai aur isi kaaran se ye film Theaters pe depend na hoke TV se achhi khaasi earning kar leti hai.


December

1. Dabangg 3
2. Good Newwz


Lagta hai 2019 ka end 2 blockbusters ke dhamasaan se hone wal hai. Dabangg series ka teesra part Dabangg 3 saal ke sabse highly awaited movies me se ek hai. Dabanng 3 ka trailor dekhke Trade experts ko thoda dara bhi sata raha hai ki ye film fiasko na ho jaaye. kyu ki Dabangg 3 ke trailor ko itna achchha response nahi mila jiski apexa sab ne kari thi.

Bollywood Box Office Collection 2019
Dabangg 3 poster | source: YouTube

Dusri taraf Khiladi Akshay Kumar ki comedy film "Good Newwz" ka trailers kafi sari utsukta jagaye baitha hai. tarailer dekhke ummeed lagayi ja rahi hai ki Good Newwz Blockbuster hone wali hai aur Dabangg 3 ko pichhe chhod degi.

Bollywood Box Office Collection 2019
Image source: YouTube

Well, ane wala waqt hi batayega kaun kitna kamayega ya kaunsi film achhi hogi. lekin ek bat abhi se tay hai- dono hi filme paise kamayegi. Dabang ke donon parts Hit rahe the to teesra part flop ho hi nahi sakta, Aakhir Salmaan Khan ki film jo hai, aur Good Newwz to direct holiday period me release ho rahi hai to darshakon ke paas ise dekhne ke alwa aur koi options hi nahi bachega.


  • Film:                                Dabangg 3
  • Star cast:                        Salman Khan, Sonakshi Sinha, Sudeep, Saie Majarekar
  • Director:                          Prabhu Dheva
  • Producer:                       Arbaz Khan, Salman Khan, Nikhil Dwivedi
  • Release Date:                20 December: 2019
  • Budget:                          100 cr Aprox
  • Box Office Collection:  Not released
  • Verdict:                          Update soon



  • Film:                                Good Newwz
  • Star cast:                        Akshay Kumar, Kareena Kapoor, Diljit Dosanjh, Kiara Advani
  • Director:                          Raj Mehta
  • Producer:                       Akshay Kumar, Karan Johar
  • Release Date:                27 December: 2019
  • Budget:                           N/A
  • Box Office Collection:  Not released
  • Verdict:                          Update soon


Box office per December me jo bhi result ayega, hum yaha per verdict update kar deneg, so stay tuned with us. 

To doston, ye tha 2019, poore saal ki hit Bollywood films ka byora.


Bollywood box office collection all time


Agar aap Bollywood box office collection all time ki reporting dekhna chahte hai to humare saath bane rahiye. is vishay per bhi jald hi humara detailed article aane wala hai.


Bollywood News in Hindi

Agar Apko Bollywood Hindi news regular basis pe chahiye to yehi humara kaam hai, Humare saath bane rahiye aur janiye Bollywood ki har khabar wo bhi aapki aur hamari Hindi Language mai.


Read more:-


Post A Comment
  • Blogger Comment using Blogger
  • Facebook Comment using Facebook
  • Disqus Comment using Disqus

No comments :


news

[News][list]

Box Office

[Box office][threecolumns]