Ye Rahi Top 10 Best Bollywood Movies of 2019 | List in Hindi

Kya aap bhi meri tarah Quality filmen dekhna pasand kartey hai. Kya aapko bhi best Hindi movies 2019 ki list pasand hai? Agar yes, to ye article apko help kar sakta hai.

Best Bollywood movies 2019 list dekhne se pehle ye jaan lo ki  Bollywood me har saal lagbhag 250 to 300 Hindi movies release hoti hai. 90% movies bekaar hoti ya to us level ki nahi hoti hai jis level ki hum yaha baat karne wale hai. Housefull 4 aur Baaghi jaisi brainless movies hit to ho jati hai lein jo class audiences hai unko ye pasand nahi ati hai. Dusri taraf Tumbbad jaisi Hollywood level ki movies release hoti hai aur mushkil se audience dhoond paati hai, result, flop ho jaati hai.

Best Bollywood movies
Top 10 Best Bollywood Movies of 2019

Hum is article me aisi hi films ke bare me baat karenge jo class audience ke liye bani ho, jo thought provoking ho, jo logical ho ya to sahi reasoning pesh karti ho.

Best Bollywood movies 2019


Apni  "Top 10 Best Bollywood Movies of 2019" ki list shuru karne se pehle hum aapko bata de ki ye list mere apne view point ko lead karti hai, ho sakta hai apka list ya apki pasandida movie alag ho. Aisa bhi nahi hai ki mera wala list ultimate list ho. Sabki apni apni pasand aur raay honi chahiye tabhi to choices me variety ayegi.

Article me jo numbers diye hai wo sirf convenience ke liye hi hai. Numbering ka purpose general hai jinse article thoda interesting lage. Aisa bilkul bhi nahi hai ki 10 number ki movie pehle number ki movie se kum hai ya 6 number ki film 8 number ki film se jyada quality wali hai. 

hope you got my point.

To chaliye Shubh aarambh karte hai apne Best Bollywood Movies yaane best hindi films 2019 list ka.

10 Best Hindi movies 2019 | Saal 2019 ki sabse achhi 10 movies


Agar kisi kaaran aap in me se kisi bhi movie ko dekh nahi paye hai ya mauka hi nahi mila hai to hum aapko ye bhi bata denge ki wo wali film abhi kaha per dekh sakte hai. kyun ki ho sakta hai list me batayi gayi film abhi theater me na chal rahi ho.


#10. Badla

List ki shuruaat kartey Amitabh Bachchan aur Tapsee starer seat edge suspense thriller Badla se. Badla Spanish film "The Invisible Guest" ka official remake hai. The Invisible Guest English title hai, Spanish title "Contratiempo" hai. 

Best Bollywood movies
Invisible Guest (Left) |  Badla(Right) | image source: Latestly 

Agar aapne original wali film nahi dekhi hai to Badla zaroor dekhe. Badla original se zara bhi kum nahi hai. Director Sujoy Ghosh ne frame to frame copy kiya hai lekin Amitabh Bachchan sir aur Tapsee ki acting ke liye ye film must watch hai. Tapsee ek successful business women hai, Apne hi lover ke khoon karne ke aarop me fans jaati hai. Apne liye ek corporate criminal layer higher karne ke liye use yaane Bachchan sahab ko apne apartment me bulati hai aur fir logical argument aur blackmailing ka jo silsila shuru hota hai woh film ke Katam hone tak hume jhakad ke rakhta hai. 

Badla ka sabse bada plus point uksa twisted ending hai. so guys, dont leave this flick and watch if you didnt watched yet. 

Badla abhi Netflx pe available hai. 



#09. Uri: The Surgical Strike

Uri: The Surgical Strike us level film nahi hai jise hum lambe samay tab yaad rakhe. lekin Uri me jo bhi dikhaya hai wo khas hai. ek to ye film bahot hi kum budget me bani thi aur blockbuster hit hui. Movie me Vicky Kaushal hero the jo abhi tak main stream hero nahi hai. 

Best Bollywood movies
Uri: The Surgical Strike | image source: YouTube

Uri: The Surgical Strike dekh ke hume pata chala humare jawan kin kin paristhitiyon se gujarte hai aur humari suraxa karte hai. Wo mission kya tha, kaisa tha, kaise kiya gaya aur natijan kya haath me aya iska sundar byora karti hai. Background music is movie ka sabse bada plus point hai. 

Uri- The Surgical Strike Zee5 per available hai.  



#08. Super 30

Sabse pehle to ye film Hrithik Roshan ke liye dekhi jani chahiye. Cinema ke parde se lambe samay se door rahe Hrithik Super 30 se Bollywood me wapis aye aur wo bhi ek quality film leke.

Best Bollywood movies
Image source: Hotstar

Jaisa ki hum sab jaante hai, Super 30 Anand Kumar ki biopic hai. Jabse super 30 floor pe gayi tab se media me Anand Kumar ke baare me bahot batay ja chuka hai, to hume yaha jyada kuchh  batane ko rehta nahi hai. Ek inspirational biopic ke roop me ye film Zaroor dekhni chahiye. 

Super 30 Hotstar pe stream kar sakte hai.



#07. Chhichhore

Aaj se theek 10 saal pehle ek film ayi thi 3 Idiots, jisne yuvaon ke dimaag per itna asar daala ki ye film aaj bhi top most dekhi jaane wali film hai. North India me shayad hi aisa koi yuva hoga jisne ye film na dekhi ho. Ab 10 saal ke baad Nitesh Tiwary same genre ki Chhichhore leke aye hai, aur kya film banayi hai. Halki Fulki comedy aur college life ka combo 3 Idiots se bilkul bhi kum nahi hai.

Best Bollywood movies
Image source: YouTube

Chhichhore 80s aur 90s ke wo daur ko screen per zinda kar deti hai jise humne aur aapne jiya hai, dekha hai aur aaj bhi us daur ki yaadein taza hai. School ke exams aue collage ki degrees Zindagi se badhkar nahi hoti aisa simple logic hai film ka aur bina kisi zhanzhat ye sikh humeare zehen me utaar deti hai. Exams me high score karna ya har baar jeetna hi sab kuchh nahi hota, fail hona hi utna hi important hota hai. Zindagi mushqilon se haar ne ka naam nahi hai balke dat ke uska saamna karne ka naam hai. 

Chhichhore ke kuchh minus points bhi hai, jaise ye puri tarah predictable hai. Pratiek Babbar ki acting achhi hai lekin uska character developed nahi hai, Same thing Shradhha Kapoor ke role ko bhi laagu hoti hai. Shraddha Kapoor ka character under devolved hai. Background music aur cinematography average hai. fir bhi film dekhne laayak ahi aur hume puri tarah entertain karti hai. 

Chhichhore Hotstar pe streaming ke liye available hai.



#06. Gully Boy

Hollywood ki ek film hai 8 Miles, Agar aap 8 miles ka trailer dekhoge to lagega ki ye to ditto Gully Boy ka hi trailer dekh liya. ya yun kahe ki Gully Boy ka trailer frame to frame 8 Miles ki copy hai. lekin yakeen maniye doston  film aisi nahi hai.

8 miles achhi movie hai lekin Gully Boy alag hai. Gully Boy me Mumbai ki galiya hai, dharavi hai. Apni Bhaasha hai, Ek maa ki dabi hui awaaz hai, Ek struggling life jee chuka aur male ego wala husband aur Baap hai. Dharm ke naam pe restrictions hai. Sachchha pyaar aur one night stand wali bewafaai hai, Nayak ke andar talent ka Samandar hai jo society aur halaat ke ssamne lachaar hai. Aur ek sachha guru bhi hai. 

Best Bollywood movies
Image source: YouTube

Agar aap rappers ke baare me jante hai to ye film aapko dekhni chaiye. agar aap Rappers kya ye nahi jaante tab to aapko ye film Zaroor dekhni chahiye. 

Gully Boy me mujhe koi nagetive points nazar nahi aye. Ranveer ab acting ke powerhouse ban chuke hai, Alia apne role me asar chhod jaati hai. Siddhant talented hai. Vijay Raaz aur Kalki bhi badhiya kaam kar gaye hai, Gully Boy ka sabse achha pehlu iska Direction, Cham Chamata music aur cinematography hai. Agar koi boring film samajh ke apne ye film abhi tak ignore kari hai to aisa na kake galati sudhare aur Gully Boy Zaroor dekhe.

Gully Boy Amazon Prime per available hai.



#05. Article 15

Achhi baat hai Ra-One jaisi Gobar film banane ke baad Anubhav Sinha apni soul ki taraf wapas laut aaye. Warna hume Mulk aur Article 15 jaisi movies dekhne ko nahi milti. 

Ek baat tay hai, agar koi script Ayushmann Khuranna ko pasand aati hai to wo humesh kuchh hatke hi hogi. Bareily ki barfi, Andhadhund, Badhai Ho, Dream Girl aur Article 15 jaisi movies is baat ka saboot hai.

Best Bollywood movies
Image source: YouTube

Ek Sachi Gahtana, Sorry Durghatan hi keh sakte hai - per Based Article 15 Indian constitution ke Article 15 ko point karti hai. ye Dhara hume kisiko bhi Dharm, Jaati aur gender adhaarit crime karne se rokti hai. Baduan gang rape case ki center theme ko leke Anubhav Sinha ne dark but solid crime thriller banayi hai. 

Agar aap entertainment ki bajay serious drama dekhna pasand karte hai to Article 15 aapke liye hai. 

Article 15 Netflix per available hai. 



#04. Section 375

Naam to suna hi hoga section 375, bhale hi apne film na dekhi ho.

Bollywood me har saal koi na koi aisi movie bana deta hai jo chupchap aati hai aur chali jaati hai lekin hum uski kadar nahi kar paate. baad me jab wo film cult ban jaati hai tab hum dekhte hai lekin tan tak producers apne hard earned paise ganvaan chuke hote hai aur dusri baar waisi tarah ki film bana ne ka sochte tak nahi hai. 

Ajay Bahl, "The extremely talented" Director/Writer hai. Ajay pehle B. A. Pass jaisi sochne per majboor karne wali film bana chuke hai. Agar hum is bande ki talent ko aaj support nahi kar paye to fir ek baar ek potential director kho baithenge. Fir na kehna ki Bollywood me koi achchhi filme nahi bantata. 

Best Bollywood movies
Section 375: Finest court room thriller drama of the year - 2019 | Image source: BMS

Me Too Movement aur casting couch ki gehraaiyon me le jati Section 375 confusing hai, kabhi biased lagti hai to kabhi nahi lati hai, kabhi hero villain hai to kabhi villain hero ban jaata hai. in sabhi ke beech ek cheez aisi hai jo humare kaam ki hai aur wo hai entertainment. Section 375 Shuru se leke Akhiri frame tak hume entertain karti hai. Court room drama aur thriler fimon ke shukeen logon ke liye ye film achha time pass hai.

Acting, Direction, Background music, Story sab kuch top notch hai. Section 375 ko kisi bhi halat me misss na kariyega. Amazon Prime per available hai.



#03. Sonchiriya

Aap film bana rahe ho, casting bhi sahi hai, director bhi sahi hai, film bhi bahot achchhi bani hai fir bhi flop ho jaye to kisko dosh denge??  Pehla Kasoorwaar hai we "the Indian audiences"  aur dusra hai Publicity.

Best Bollywood movies
Sonchiriya: Highly underrated movie bu audience | Image source: BMS

Sonchiriya har ek level per best hai chahe wo direction ho, acting ho, costume aur cinematography ho, background music ho ya entertainment factor ho. har baat per perfect Socnchiriya theek se publicity nahi karne ke kaaran public me hawa nahi ban payi. agar sahi tarike se publicity ki jaati to ye movie hit hone ke saare symptoms rakhti hai.

Madhya Pradesh ke Chambal ke backdrop me daakuon ke geeroh ki ye Mahabharat hai. Bandit Queen ke baad Sonchiriya pehli aisi movie hai jo har pehlu per perfect hai. 

Sonchiriya bar bar nahi banti hai. Dont miss it at any cost, Zee5 per available hai.



#02. The Tashkent Files

Kya apkom lagta hai humare jaane maane aur bane baithe so called critics bharose ke laayak hai?? agar aapka answer haan me hai to "The Tashkent Files" ek baar dekhiye aur fir bataye ki kya ab bhi aapka Answer Haan hai??

The Tashkent Files so called Bollywood critics ki khatiya khadi kar degi. Itni achchhi film ko kisi bhi bade critics ne reviews karna  theek nahi samjha. lekin public ne unko muh aur pichwada tod jawab de diya. The Tashkent Files Cinema me lagi, Achchhe word of mouth ke kaaran screens and shows badhaye gaye aur film super duper hit rahi.

Best Bollywood movies
Best conspiracy thriller of Indian cinema | Image source: YouTube

Humare 2nd prime minister Shri Lala Bahadur Shashtri ji ke maut ke pichhe chal rahe politics per humara dhayn batorti ye film kai middo per sochne pe mazboor karti hai. Vivek Agnihotri ka direction kaabile tareef  hai.  Sabhi manje hue kalakaaron ne apna best abhinay kiya hai. 

Film ke liye one word review: "Best conspiracy thriller ever made in Bollywood". 

The Tashkent file dekhiye aur samjiye ki Akhir shastriji ki maut kaise hui thi? kya sach me woh cardiac arrest se mare the? ya fir uski maut ke pichhe kisi ki ghinauni sajish thi? kya ye khoon to nahi tha? Postmortem ki report doubtful kyun hai? Tashkent ko leke kaunse sach maujooda government chhupana chahti thi? 

In sabhi sawaalon ke jawaab ke liye aapko ek hi kaam karha hai, The Tashkent Files movie dekh leni hai.  Zee5 per available hai. 


Ab chalte hai is list ki Akhiri film ki taraf, lekin aagey badhne se pehle kuchh zaroori batein mention karna important hai. list 10 movies ki hi banani thi, limitation ke kaaran jyada filem isme add nahi ho sakti jyun ki 10 me to 10 movies hi cover hoti hai. 

Lekin 10 ke list se bahar bhi kuchh badhiya movies hai, Bollywood ne sirf 10 movies  hi achchhi banayi ho aisa nahi hai. To is list se bahar reh gayi ho aisi kuchh filmen cover kar lete hai. 

  • ⇛A.  Kabir Singh
  • ⇛B.  Game Over
  • ⇛C.  Dream Girl
  • ⇛D.  Kesari


A. Kabir Singh: Telugu cult classic Arjun Reddy ki official remake hai Arjun Reddy.  Do saal pehle jab Arjun Reddy dekhi to laga Vijay ko replace karna kisi bhi Bollywood star ke liye possible nahi hai. Vijay ne Arjun Reddy me jo acting ki hai use dekh ke mai ascharya chakit ho gaya tha, laga hi nahi ki Vijay newbie actor hai.

Best Bollywood movies
Kabir Singh: Official remake of Telugu cult hit Arjun Reddy | Image source: YouTube

Fir Kabir Singh ayi, Achha hua remake banane wala Director same tha jisne Arjun Reddy Banayi thi. Kabir Singh hubahu Arjun Reddy ka copy hai lekin  Shahid Kapoor Surprise package nikla. Jinhone Arjun Reddy dekhi hai use Kabir Singh sirf aur sirf Shahid ki acting ke liye dekhni chahiye. 

Kabir Singh Zee5 aur Netflix donon per available hai. 

Jin Hindi darshakon ko Telugu Arjun Reddy dekhni hai wo Amazon Prime per dekh saktey hai.


B. Game Over: Kya kisine notice kiya hai Bollywood ho ya South industries, ek cheez dono me ajkal common hai?  Wo hai Tapsee Pannu ki film script choices. Ayushmann ki hi tarah Tapsee ki choice of films top level ki hoti hai. 

Best Bollywood movies
Tapsee in Game Over | Image source: YouTube

Game Over Bollywood me rarely dikhne wale Horror Thriller genre ki movie hai. Game Over actually video game based Horror thriller film hai. release ke samay box office per kuchh khas nahi kar payi thi lekin baad me ye film critics aur audiences ki nazar me ayi. 

Most underrated film ke list me top per rehne wali Game Over aapko bilkul bhi niraash nahi karegi.  Must watch for horror lovers.  Netflix per available hai.
  

C. Dream Girl: Kapil Sharma ke witty liners likhne wale Raaj Shaandilya ki Bollywood debut film Dream Girl ek classic comedy ka example hai. Film ko safal hone ke liye bade bade locations, item songs aur brainless content ki zarurat nahi hai. Dream Girl  Shuru se ant tak aapko hasaati hai. 

Best Bollywood movies
Best comedy film of the year: Dream Girl | Image source: BMS

Dream girl ka har ek character lambe samay tak aapke man me chhap chhod jayega. Iski repeat value high hone ki wazah se aap do-teen ya char bar bhi dekhenge tab bhi har baar fresh lagegi.

Ayushmann Khuranna ki ek aur century. 

Ummeed hai aap sab ne Dream Girl dekhi hogi. Vodafoneplay & Zee5 per available hai.


D. Kesari:  Saal Khatam hone ko ho aur Akshay Kumar ki film mention na kare to humara article adhura reh jayega. waise dekha jaye to ek sachi historical event ko leke banayi gayi Kesari masala entertainer movie hai. Simple si kahaani ko twist aur turn deke kaise aagey badhaaye ye Anurag Singh ne karke dikhaya hai. 

Best Bollywood movies
Kesari trailer poster | Source: YouTube

Kesari Shuru se ant tak humara manoranjan karti hai desh bhakti ki jwala jaga jaanti hai. Hazaaron ki fauz ke ssamne sirf 21 sikh ki ladaai parde per jis tarike se dikhai gayi yaad rakhen laayak hai. 

Must watch movie. Amazon Prime per available hai.


Honorable mention Khatam hua, Ab chalte hai hamare main list per. to Akhiri film hai jiske baare me jyadatar log soch bhi nahi skatey. bahot kum logon ne ye film dekhi hai. 



#1. Mard Ko Dard Nahi Hota

Jisne bhi Mard Ko Dard Nahi Hota banayi hai wo sach me Mard hai. Aur film nahi chalne se unka dard bhi hum samajh sakte hai. Afsos iss baat ka hai ki 90% audience ki  tarah maine bhi ye film theater me nahi dekhi balki streaming platform per dekhi. 

Mard Ko Dard Nahi Hota kahani hai Vasan Bala jaise passionate director ke passion ki, lagan ki. Ye kahani hai out of the box content ki. Ye kahani hai sabse alag type ke super hero ki. Ye kahani hai unknown talented actors and actress ki. Ye kahani hai Deadpool ke baap ki...!

Best Bollywood movies
Mard Ko Dard Nahi Hota: India's Answer to Deadpool | Image source: YouTube

Aapne Hollywood ki Deadpool dekhi hai kya? pasand ayi kya? to mai guarantee deta hoon Mard Ko Dard Nahi Hota bhi apko pasand ayegi. Kyun ki Mard Ko Dard Nahi Hota ke aage 100 Deadpool qurbaan hai. Agar ye movie Hollywood me bani hoti to box office per zhande gaad deti. 

Movie me koi bhi bada kalakaar nahi hai. Bhagyashri ke ladke Abhimanyu Dasani ko Hero liya gaya hai aur Gulshan Devaiah vilain ka role kar rahe hai. casting itni perfect hai ki aapko second thought ka koi chance hi nahi deti. Film shuru hoti hai aur aap film ke bahaav me dhal jaate ho. Dialogue, Martial Arts, Fights, Comedy aur film ka Kuchh bhi kehne ka aisa andaaz Bollywood me aajtak dekhne ko nahi mila hai. 

Netflix per available hai, Dekhiye aur khud hi anubhav kijiye ek hatke type ke cinema ka jo Indian cinema ke itihaas me na bhuto na bhavishyati hai. Tankx to the Director Vasan Bala & Producer Ronnie Screwvala.


Best Bollywood Movies Download site

Friends, agar aap best site to download Bollywood movies in hd search kar rahe hai to hum aapko advise denge ki free wali ya illegal tarike se mil rahi pirated copies se bache. filmon ke pirated versions ki na to quality achhi hoti hai aur nahi hi ye humare mobile ya computers ke liye safe hai. Kabhi bhi virus ka shikaar ho sktey hai. 

Agar aapko movie downloading sites hi chahiye to Niche diye gaye platform ka subscriptions le lijiye. isme aap film download bhi kar sakte hai aur online stream bhi kar saktey hai. lekin kabhi bhi Tamilrockers ya Torrents aur filmywap ke chakkar me na padiye.

  • ⇨ Netflix
  • ⇨ Amazon Prime
  • ⇨ Zee5
  • ⇨ Hotstar


End Note for Best Bollywood Movies 2019 


To Filmy keedon, Ye thi saal 2019 ke liye  humari Top 10 Best Bollywood Movies ki list. Ho sakta hai koi film is list me sahi na ho aisa aapko lage, lekin ye meri list hai. Aapki list meri list se alag ho sakti hai. Aap apni wali list comment section me likh saktey hai. Koi achchi film reh gayi ho to comment section me mention kar ke hume bata sakte hai. 

Bahot Jald niche wali list bhi ayegi.
  • ⇛ List of Best South Indian movies
  • ⇛ Best Hindi movies Netflix

Stay tuned with us.


Read More: 

Post A Comment
  • Blogger Comment using Blogger
  • Facebook Comment using Facebook
  • Disqus Comment using Disqus

5 comments :

  1. Thank you very much for this great post. Movie4k

    ReplyDelete
  2. Actually I read it yesterday but I had some thoughts about it and today I wanted to read it again because it is very well written. bollywood movies online

    ReplyDelete
  3. I wanted to leave a little comment to support you and wish you a good continuation. Wishing you the best of luck for all your blogging efforts. สุดยอดหนังตลก

    ReplyDelete
  4. The writer is enthusiastic about purchasing wooden furniture on the web and his exploration about best wooden furniture has brought about the arrangement of this article. ชวนดูหนังน่าสนใจ

    ReplyDelete
  5. A good blog always comes-up with new and exciting information and while reading I have feel that this blog is really have all those quality that qualify a blog to be a one. หนังไทยออนไลน์

    ReplyDelete


news

[News][list]

Box Office

[Box office][threecolumns]