Prabhas Ki Saaho Hit Or Flop? Saaho lifetime box office collection overview


Koi bhi film ka hit ya flop hona bahot se factors pe depend karta hai. khaas karke tab, jab film kisi bade star ki ho aur film ka budget bhi utna hi bada ho. Prabhas ki Saaho bhi aisi hi film hai.

Saaho Hit or Flop?


Iss sawaal ka jawab ek se jyaada tariko se diya jaa sakta hai. kyun ki ye swaal itna asaan nahi hai jitna lag raha hai. 

Agar one liner answer de to Saaho overall Flop Film hai, yu kahe ki disaster hai.. lekin agar aap puche ki Saaho Hindi me Hit hai Ya Flop to answer alag hoga. Hindi language me Saaho 149 cr collection ke saath Hit hai. 

Confuse ho gaye kya?? chaliye aapka confusion door kartey hai.

saaho hit or flop
Saaho: Hit or Flop?

Sabse pehle Hit or flop ka definition samajh le to jawab samjhne me asaani hogi.

Kisi bhi film ka hit or flop hona uske budget aur film se generate hue total revenue pe depend karta hai. Saaho ka making cost 350 cr tha. 350 cr ye koi maamuli rakam nahi nai. plus isme promotional budget add kare to Saaho ka total budget 370 cr plus ho jata hai. 

Ab baat krtey hai Saaho ke pre-release revenue ki, to iske Music, Satellite and Digital streaming rights total 150 cr me sale hue the. Saaho ka world wide box office collection 440 cr ke asapas hai. 
All India Gross collection 359 cr hai jo ki Film ke budget se bhi kum hai. Overseas collection 80 cr hai. 

pre release sales 150 + 359 domestic gross + 80 cr oversease = 589 cr...!

589 - 370  = 219 cr profit matalab Saaho Hit hai...! ji nahi, aisa bilkul bhi nahi hai. 

Box office ke Maayajaal (Matrix u know..!) ka samajhne jaisa point ab se hi shuru hota hain. ye sab gross collections hai jo actual figures nahi hai. actual figures ko net collections kehte hai. net collection governments ke taxes ko minus karke milaya jaata hai. 

Factors jo Film ke hit ya flop hone pe effect kartey hai

Films ko theaters me release karne ke liye distributors ka chain hota hai jo film ke distribution rights ko area wise kharid ke theater owners yane exhibitors ko profit sharing/commission ke tuar pe dete hai.  distributors aur exhibitors ke khaate me average 50 to 54% margin jaata hai. fir jo bachta hai wo producers ko milta hai. kabhi kabhi ye chain week wise commission ke model pe bhi kam karta hai, jaise 1st week me producers 54% share ki demand karta hai aur dusre week me 50% ya us se bhi kum, 45 to 48% share me agree hota hai aur distrubutors ka margin jyada hota hai. 

overseas me alag method se distribute kiya jata hai, waha pe distributors share aur government  Taxation jyada complex hote hai.

On an average basis, 50 cr ki film ko profit zone me entry karne ke liye kum se kum 100 cr se jyada ka net collection karna padta hai. 50 cr ki film agar 120 cr ka net revenue generate kare to hi producer 20 cr ka profit kama sakte hai. 

Saaho Hit or Flop calculations

  • Saaho ka 150 cr presale business + 150 cr actual Producer collection = 300 cr..! 
  • Production budget 370 cr ke saamne producer ne 300 cr recover karke 70 cr ka loss kiya.


Pure Saaho puraan ka Saar ye nikalta hai ki "Saaho" flop hai.

Saaho Hindi Hit ya Flop?

Bhushan Kumar ne apne baner T-Series ke under 80 cr me Saaho ke Hindi Rights buy kiye the jo ki profit sharing model pe the. Hindi version ne 149 cr ka business kiya hai. iss wajah se Saaho ka Hindi version Hit raha hai. Telugu me Saaho flop hai aur Tamil tatha Malayalam me Disaster. 

Saaho Hit or Flop final verdict:-

Key Points:- 

Telugu:  Flop
Tamil:    Disaster
Malayalam: Disaster
Hindi:    Hit
Overall: 20% + loss ke saath FLOP..!

Telugu film industries se aayi khabar ke mutaabik Saaho Agyaathvaasi ke baad 2nd most disaster film hai. Baahubali ke baad Prabhas ki massive fan followings, pan India appeal aur beshumaar publicity ke kaaran Saaho ne shuruaat to bahot hi acchhe se ki lekin critics aur baad me audiences ne film ko positive response nahi diya.


Image source: Youtube
Post A Comment
  • Blogger Comment using Blogger
  • Facebook Comment using Facebook
  • Disqus Comment using Disqus

No comments :


news

[News][list]

Box Office

[Box office][threecolumns]