Dabangg 3 Box office collection release date and predictions


Dabangg 3, Dabangg series ka 3rd installment hai. 2010 me Dabangg release hui thi aur box office per jaise qahar chha gaya tha. Dabangg ko industry ke log note chhapne ki machine kehne lage the. do saal baad 2012 me Dabang series ka 2nd part Dabangg 2 release hua aur pehle part ki tarah hi box office per achhi kamai ki thi. 

Dabangg ko direct kiya tha Abhinav Kashyap ne, Abhinav jaane mane film maker Anurag Kashyap ke bhai hai. Arbaaz Khan ke home production me bani Dabangg ne critics ko puri aur buri tarah niraash kiya lekin audiance ko ye film is kadar pasand ayi ki isko saal ki sabse badi blockbuster bana diya. 

Dabangg ki success ke baad "Garm hai loha mar de hathoda" kahawat ko follow kartey hue film ke producer Arbaaz Khan ne turant hi film ka dusra part Dabangg 2 banane ki ghoshana kar di aur 2012 me release bhi kar diya. iss bar film ke director Abhinav ki jagah khud Arbaaz Khan the aur film super hit rahi.

Dabangg 3 Box office collection
Image source:- India Times

Ab pure saat saal baad Salman Khan fir se Dabangg ban ke aa rahe hai. Film ka 3rd part Dabangg 3 rakha gaya haia aur Christmas ke waqt release hone ja rahi hai. 

Dabangg 3 cast crew and production


Dabangg 3 ka budget 100 cr Maana ja raha hai aur isme Salmaan Khan ki Mammoth fees shamil nahi hai kyon ki wo production me hissedaar hai. Film ke director hai jaane maane dancer Prabhu Deva. Prabhu Deva ne Salman Khan ki dubti naiyya ko 2009 me par utaara tha. agar aapne Film "Wanted" dekhi hai to aapko pata hi hoga is movie ko Prabhu Deva ne hi direct kiya tha aur "Wanted" ki success ke bad Salmaan Khan Bollywood ke sabse bade Super Star ke naye roop me ubhar aye.

Dabangg 3 Box office collection release date
Saiee Manjrekar     -  Image source: Zeebiz
  
Salmaan Khan ke saath female lead me as usual Sonakshi Sinha hai. twist ye hai ki second female lead me actor Mahesh Manjrekar ki beti Saiee Manjrekar debut kar rahi hai. Kannada movie ke star Sudeep Dabangg 3 me negative role kar rahe hai. Film ki cost of production aprox 100 cr hai. 

Dabangg 3 box office prediction


Pichle dono part super hit rahe the isi baat se andaza lagaya ja rah hai ki ye film bhi bahot hi achha business karegi. Trade expert ka anumaan hai ki agar film ke reviews favorable aye to 350 crore ka business asaani se kar legi.

Agar reviews negative rahe to 180 to 200 crore ka collection karegi. aur agar film average rahi to 250 crore tak collection kar payegi. 

Haal hi me ek interview me Salman khan ne Press ko bataya ki film critics ke liye nahi hai, (unhone mazaak krtey hue kaha ki ye film specially critics ke liye hi hai) Agar pitegi to pure Hindustan me pitegi aur chalegi to pure desh me chalegi fir chahe wo Chennai ho ya koi aur city. Andaza laga saktey hai ki Dabang 3 critics ke liye nahi hai so reviews bhi negative ayenge.


Dabangg 3 release date


20th December ko Dabangg 3 release hogi jo ki ek non holiday hai. December 25 se Christmas new year ki chhuttiya shuru hogi aur dabangg 3 ko iska bharpur benefit milne wala hai.

Dabangg 3 1st day box office collection


Salmaan Khan ka Stardom + Dabangg series ki hit history film ko 35 crore plus ka opening collection dilvaneki sambhaavana hai. 

Dabangg 3 weekend collection

Agar word of mouth achha raha to sirf 3 din me hi film 100 cr ke figure ko par kar jaayegi aur agar word of mouth theek nahi raha to bhi ye film hype ki vajah se 95 to 100 cr ke beech ka collection asaani se kar legi.

Dabang 3 box office collection


Key Factors

  • Star Power of Salman Khan
  • Super hype of Dabangg 3
  • South ke star ki mauzoodgi
  • December last week Holidays
  • Successful franchise
  • koi bhi dusri badi film saath me release nahi ho rahi
  • lekin 27 December ko Akshay Kumar ki Good News ka release hona



Ye sab key factors ko dhyan me rakhte hue Dabangg 3 ka Predicted box office collection 280 to 300 cr ho sakta hai. 

Some Unknown fact about Dabangg 3 (Dabangg 3 ki kuchh anjani baatein)

  • Salmaan Khan aur Prabhu Deva dusri baar saath me kam kar rahe hai, "Wanted" me pehli baar dono saath me aye the.
  • Dabangg 1 aur 2 me Vinod Khanna ji ne Salman Khan ke father ka role play kiya tha. Dabangg 3 me Vinod Khanna ji Nazar nahi ayenge. Shoting start hone se pehle hi unki death ho gayi thi.
  • Vinod Khanna ke brother Pramod Kahna is Film me nazar ayenge.
  • Salman Khan ke dada Abdul Rashid Khan DIG the. unhone 12 saal tak south Indore ke Mandaleshwar me as  DIG apni duty ki thi. Salman Khan ne isi location pe ek gaan ashoot kiya hai.
  • Actress Kajol ko Dabangg 3 me negative role diya gaya tha lekin role chhota hine ke karan Kajol ne offer accept nahi kiya. 
  • Film ki Kahani pichle dono part se bhi pehle ke time se shuru hoti hai jiska jikr abhi tak kisi part me nahi kiya gaya hai. 
  • Dabangg 3 Hindi ke saath Saath Tamil Telugu and Kannada me bhi dub kiya gaya hai.
  • Salman Khan apni awaj me Tamil Telugu aur Kannad me dub karna chahte the lekin Director Prabhu Deva ko ye sahi nahi laga. Salman Khan ko apna idea drop karna pada.


Jyada updates ke liye humare sath jude rahiye.

Post A Comment
  • Blogger Comment using Blogger
  • Facebook Comment using Facebook
  • Disqus Comment using Disqus

No comments :


news

[News][list]

Box Office

[Box office][threecolumns]