Bigil Box Office collection out ranked Housefull 4 by big margin

Iss Diwali do badi films release hui hai, ek hai Akshay kumar starer Housefull 4 aur dusri hai Vijay starer Bigil. Tamil me bani Bigil ko Telugu me bhi dub kiya gaya hai jabki housefull 4 ko sirf Hindi me hi rakha gaya hai. Agar dono filmon ke box office collection ki baat karein to houseful 4 race haarti hui nazar aa rahi hai.

bigil box office collection housefull 4 box office collection
Bigil vs Housefull 4 Box Office Collection

Housefull 4 Box Office collection


Housefull 4 ne 1st weekend yane ki release ke pehle 3 din me approx 53.20 crore ka business kiya hai. Friday ko 19 crore ke opening ke saath apni shuruat karte hue Houseful 4 ne dusre din yane Satyrday ko 18.80 crore aur Sunday ko 15.30 crore ka business kiya tha. 50 crore ka figure chhune me Akshay kumar statrer iss film ne 3 din laga diye. matlab saf hai ki Housefull 4 ko darshako ne nakaar diya hai aur Akshay kumar abki baar apna jaadu nahi chala paaye.

Diwali ki chuttiyon me aksar filme achha karobar karti hai agar kisi bade star ki film ho to. Lekin Housefull 4 ne Bollywood ko niraash kiya hai. Akshay kumar ka stardom aur successfull franchise ke combo se trade pandito ko kafi ashaye thi, anumaan lagaya jaa raha tha ki ye film 25 se 27 crore tak ka opening legi aur pehle hi 3 dinon me 100 crore ka magic figure touch kar legi. lekin dusre aur tisre din me ayi giravat ko dekhte hue aisa lag raha hai Housefull 4 lifetime 100 crore mushqil se kar payegi. bata de ki Audience ke sath saath Critics ne bhi Housefull 4 ko Negative reviews diye hai. 

Housefull 4 me Akshay kumar ke saath Ritesh Deshmukh aur Bobby Deol bhi hai. female lead me Kriti Sanon, Kriti Kharbanda aur Pooja Hegde hai. Pooja Hegde ko humne Hrithik Roshan ke Saath Mohenjo Daro me dekha tha aur wo bhi flop rahi thi. Pooja ka luck bollywood me kam nahi kar raha hai jabki south me unki filme kafi achhi chal rahi hai.

Bigil Box Office collection


South ke Super Star Vijay aur Lady Supestar Nayanthara ki Film Bigil ne Release ke pehle din se hi bata diya tha ki unse takkar lena bekaar hai aur wo akela hi lambi race ka ghoda hai. Friday ko Bigil ne 39.80 crore ke saath apni opening darj karvai thi aur Saturday ko 29.20 Crore collect kiye the. Sunday ko 28.60 Crore kamaye the aur iske sath hi pehle weekend yane 1st 3 days me hi iss film ne 97.60 Crore yaane ke almost 100 crore ke kareeb ka business kar liya hai. Bata de ki Audience aur Critics dono hi ne iss Film ko Hari Zhandi de di hai. 

Bigil ko direct kiya hai attlee kumar ne aur music composer hai A R Rehman, Jinhone pehle bhi vijay ke saath kam karte hue Diwali ko hi Mersal jaisi blockbuster Film di thi. source ki maane to Attle Kumar apna next project Bollywood ke Super Star Shah Rukh Khan ke saath karne ja rahe hai. 

Box Office Collections:- Housefull 4 vs Bigil


Overseas Business ki baat kare to waha par bhi Vijay starer Bigil ne Akshay Kumar starer Housefull 4 ko maat di hai. USA me Bigil ka weekend boxoffice collection 6.75 crore tha jab ki Housefull 4 ka collection 6.35 registered hua tha. UK me bhi Bigil ne 3.40 crore aur Housefull 4 ne 2.13 crore ka business kiya tha. 

Maje ki baat ye hai ki Housefull 4 ke saath aisi koi badi Hindi ya Hollywood film release nahi hui hai jo Akshay Kumar se Compete kar sake lekin Tamil nadu me picture alag hai. waha pe Bigil ke saath Karthi ki Kaithi release hui hai jisko critics ne kafi pasand kiya hai aur word of mouth bhi bahot hi badhiya raha hai iske bawazood bhi Bigil ne Housefull se almost double business kiya hai. 

Housefull 4 ki halat dekhte hue Monday kafi crucial rehne wala hai wahi Bigil ki position dekhte hue Monday strong rahega.

Budget:-


Housefull 4 Ka total Budget 124 Crore ke aspas hai jisme Cost of production plus Advertising budget bhi shaamil hai. Film ko hit hone ke liye kum se kum 150 crore ka collection karna hoga. Agar collection 100-110 crore tak rehta hai to film loss me rahegi aur agar 125 - 135 tak karti hai to Plus ya average keh saktey hai. 

Bigil Ka Budget 180 crore hai. Source ki maane to 140 core se budget ko expand karke 180 kar diya gaya tha. film ne release se pehle ke sales se hi 220 crore ka business kar liya hai aur abhi se hi Bigil break even revenue generate kar chuki hai.

Bigil ko Hit hone ke liye kum se kum 240 core ka business karna hoga. Hindi audience me Vijay ki fan following kafi acchi hone ke kaaran Bigil Ke Hindi rights 27 Core me bike hai. 



Image Source:- Bookmyshow
Post A Comment
  • Blogger Comment using Blogger
  • Facebook Comment using Facebook
  • Disqus Comment using Disqus

No comments :


news

[News][list]

Box Office

[Box office][threecolumns]